ဝက်စ်ဟမ်းဟာ အခုတပတ် မှာတော့ ပရီးမီးယားလိဂ် ဇယား အောက်ခြေက ဝုဗ်ကို အိမ်ကွင်းမှာ လက်ခံ ကစားရမှာ ဖြစ်ပါတယ်။ ဒီပွဲမှာ အနိုင်ရခဲ့ရင် ဝက်စ်ဟမ်းက ပရီးမီးယားလိဂ် တန်းဆင်းဇုန် အတွင်း ကနေ ရုန်းထွက်နိုင်ဖို့ မျှော်လင့်ချက် ရှိနေပါတယ်။ ဝက်စ်ဟမ်း အနေနဲ ပရီးမီးယားလိဂ် ကနေ တန်းမဆင်းရရေး ရုန်းကန်နေရမှုနဲ့ ပတ်သက်ပြီး နည်းပြ နူနို အက်စပီရီတို ဆန်တိုက အခုလိုပဲ ဖွင့်ဟလာခဲ့ပါတယ်။
လက်ရှိမှာ ဝက်စ်ဟမ်းဟာ ပရီးမီးယားလိဂ် အမှတ်ပေးဇယား အဆင့် ၁၈ နေရာမှာ ရောက်ရှိနေပြီး အကယ်၍ ဝုဗ်ကို အနိုင်ယူနိုင်ခဲ့ရင် အဆင့် ၁၆ က နော့တင်ဟမ်ဖောရက်စ်နဲ့ အမှတ်တူသွားမှာ ဖြစ်ပါတယ်။ ဒါ့အပြင် ဝက်စ်ဟမ်း အနေနဲ့ စပါး ကိုလည်း ပရီးမီးယားလိဂ် တန်းဆင်းဇုန်ထဲ (ယာယီ) တွန်းပို့ထားနိုင်မှာ ဖြစ်ပါတယ်။
ဝက်စ်ဟမ်းဟာ ပြီးခဲ့တဲ့ တနင်္ဂနွေနေ့က အက်ဖ်အေဖလား ကွာတားဖိုင်နယ်မှာ လိဒ်စ်ယူနိုက်တက်ကို ပင်နယ်တီနဲ့ ရှုံးနိမ့်ပြီး ပြိုင်ပွဲ ကနေ ထွက်ခွာထားခဲ့ရပါတယ်။ ဒါဟာ လက်ခံရ ခက်တဲ့ ရလဒ် ဖြစ်ပေမဲ့ နည်းပြ နူနို ဆန်တို ကတော့ သူ့အသင်းသားတွေ အနေနဲ့ သင့်တော်တဲ့ တုံ့ပြန်မှုမျိုး ပြုလုပ်နိုင်လိမ့်မယ်လို့ ယုံကြည်နေပါတယ်။
“လိဒ်စ်နဲ့ ပွဲပြီးနောက်မှာ ကျွန်တော်တို့ တော်တော်လေး စိတ်ဓာတ်ကျခဲ့ရပါတယ်။ ကျွန်တော်တို့ ဝမ်ဘလေ အထိ တက်လှမ်းနိုင်မယ်လို့ အခိုင်အမာ ယုံကြည်ခဲ့ကြလို့ပါ။ ဒါပေမယ့် ပွဲထဲမှာ ကျွန်တော်တို့ ပြသခဲ့တဲ့ တုံ့ပြန်မှုနဲ့ တိုက်ပွဲဝင် စိတ်ဓာတ်ကို ကြည့်ရင် ကျေနပ်စရာပါ။ အခုတော့ ကျွန်တော်တို့ ရှေ့ဆက်ရပါမယ်။ ကျွန်တော် တို့ရဲ့ အဓိက တိုက်ပွဲက ဒီသောကြာနေ့မှာ စတင်မှာပါ။” လို့ နူနို ဆန်တိုက ဆိုပါတယ်။
တဖက် မှာလည်း ဝုဗ်ဟာ တန်းဆင်းဇုန် ပြင်ပက အသင်းနဲ့ ၁၃ မှတ် အထိ ကွာဟနေပြီး ကစားဖို့ ၇ ပွဲသာ ကျန်တော့ပေမယ့် ကွင်းလယ်လူ အန်ဒရေ ကတော့ မျှော်လင့်ချက် မစွန့်လွှတ်သေးပါဘူး။ “ဒါဟာ ခက်ခဲတဲ့ ရာသီတစ်ခုပါ။ ဒါပေမယ့် ဘောလုံးမှာ ဘာမဆို ဖြစ်နိုင်ပါတယ်။ ကျွန်တော်တို့ အက်စတွန်ဗီလာနဲ့ လစ်ဗာပူးလ် ကိုတောင် အနိုင်ရထားဖူးတာပဲ။” လို့ သူက ဆိုပါတယ်။
အခုလာမယ့် ပွဲအတွက် စောင့်ကြည့်ရမည့် ကစားသမားတွေ ကတော့ ဂျဲရတ် ဘိုဝင်နဲ့ တိုလူ အရိုကိုဒဲယားတို့ ဖြစ်ပါတယ်။ ဘိုဝင်ဟာ ဝုဗ်နဲ့ တွေ့တိုင်း ခြေစွမ်းပြလေ့ ရှိပြီး ပရီးမီးယားလိဂ် ၆ ဂိုး အထိ သွင်းယူထားပါတယ်။ အထူးသဖြင့် နောက်ဆုံး ကစားခဲ့တဲ့ အိမ်ကွင်း ၃ ပွဲ ဆက်တိုက်မှာ ဝုလ်ဗ်ကို ဂိုးသွင်းထားသူပါ။
အရိုကိုဒဲယားဟာ ပြီးခဲ့တဲ့ ဘရန်ဖို့ဒ်နဲ့ ပွဲမှာ လူစားဝင်ပြီး ဂိုးသွင်းပေးခဲ့သူ ဖြစ်ပါတယ်။ သူက ဝုဗ် အသင်း အတွက် လူစားဝင် ကစားသမားတွေဆီ ကနေ ရရှိတဲ့ ဂိုးပါဝင်ပတ်သက်မှုမှာ အရေးပါသူ ဖြစ်ပါတယ်။
အစဉ်အလာအရ ဝက်စ်ဟမ်းဟာ ဝုဗ်နဲ့ နောက်ဆုံး ကစားခဲ့တဲ့ အိမ်ကွင်း ၅ ပွဲစလုံးမှာ အနိုင်ရထားပါတယ်။ ဒါပေမယ့် ဝုလ်ဗ် ကလည်း ၂၀၁၉-၂၀ ဘောလုံးရာသီ နောက်ပိုင်း ပထမဆုံးအကြိမ် အဖြစ် ဝက်စ်ဟမ်းကို အိမ်ကွင်းရော အဝေးကွင်း မှာပါ အနိုင်ယူနိုင်ဖို့ ကြိုးစားနေတာပါ။ ဒီနှစ်သင်း နောက်ဆုံး တွေ့ဆုံခဲ့တဲ့ ပရီးမီးယားလိဂ် ၁၆ ပွဲမှာ သရေရလဒ် တစ်ကြိမ်မှ မရှိခဲ့ဘဲ တစ်ဖက် ၈ ပွဲစီ အနိုင်ရထားပါတယ်။
Opta ကတော့ ဒီပွဲမှာ ဝက်စ်ဟမ်း အနိုင်ရနိုင်ခြေ ၅၀.၁ ရာခိုင်နှုန်း၊ သရေကျနိုင်ခြေ ၂၅.၅ ရာခိုင်နှုန်း၊ ဝုဗ် အနိုင်ရနိုင်ခြေ ၂၄.၇ ရာခိုင်နှုန်း ရှိနေပါတယ်။ ဝက်စ်ဟမ်း အနေနဲ့ အိမ်ကွင်း အားသာချက်ကို အသုံးချပြီး တန်းဆင်းဇုန် ကနေ ရုန်းထွက်နိုင်မလား ဆိုတာ ကတော့ မကြာခင်မှာ သိရှိရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
